سحابة صيف

أجمل عيون شفتها
هيا كانت عيونك
والبحر ويا الهوى
شاركوا في سمار لونك
تاه الشروق جمبك
فتح مع جفونك
والشمس طلعت في السما
تتباهى بقدومك

ياريت يطول النهار
وافضل هنا جمبك
ده البحر زاد بالجمال
زاده جمال قدك
والموج بتهدى ميته
من لمسته لعودك
والشط دفيت رملته
فرحانه بوجودك

ولما دخل الليل
نزلنا ومشينا
شفنا الهلال في السما
والبدر وسطينا
ونجوم بتضوي ونفسها
تنزل حوالينا
عاوزه تزين نفسها
بالقعدة جمبينا

ولما راح اليوم
ضيع معاه قلبي
دوبني وياه دوب
معرفش إيه ذنبي
هيا سحابة صيف
وسهم جه صبني
مفضلش غير ضيها
وشوق بيغلبني