الصبر

لولاك ياصبر وياهم
ماكنا نعيش
حكموا علينا ياصبر
والغالي أصبح في إيدهم مابيساويش
فيه ناس غيتها ياصبر
تاخد ولا تديش
أمانه عليك ياصبر تفضل معايا ولا تفوتنيش

رضينا بالعيشة معاهم
وهما بينا مش راضيين
حاولنا نمشي على هواهم
وهوانا ليه مش قابلين
ياريتنا رحنا وفتناهم
لكن بروحنا مش قادرين
عذاب عذاب عذاب عذاب حياتنا والله مع الأحباب

ليهم حياتنا احنا وهبنا
وسنين ربيعنا وشبابنا
ضحكم علينا ووعدونا
والغالي أخدوه وفاتونا
قعدنا نبكي على فراقنا
وياريتنا كنا ماصدقنا
عذاب عذاب عذاب عذاب حياتنا والله مع الأحباب

ده الحب ظلموه مع إنه
عمره ما فرق بين حبيبين
والله ما كان العيب منه
لأ فينا وفي ناسنا الخاينين
طب ليه بنتكلم عنه
ما دمنا ليه مش فاهمين
عذاب عذاب عذاب عذاب حياتنا والله مع الأحباب
من ديواني الثالث

عمره ما فرق بين حبيبين
والله ما كان العيب منه
لأ فينا وفي ناسنا الخاينين





اخى ابو الوفا الوفى الفنان الجميل الرائع

يا ليت الناس يستطيعون الصبر حتى الان


تسلم كلامك
وافكارك الروعة جداااااا


روعة
افكار لا تجى على البال
جزاك الله خير اخى الغالى
..............................




عمره ما فرق بين حبيبين
والله ما كان العيب منه
لأ فينا وفي ناسنا الخاينين

شاعر المنتدي
كل مرة تبهرنا بكلماتك
تقبل مروري

والله أنتم وسام على صدري
جميعكم في القلب، أحبكم في الله، ولا يحرمني الله مروركم على مواضيعي.
ربنا ما يحرمني منكم أبدا.
تقبلوا تحياتي

..............................




عمره ما فرق بين حبيبين
والله ما كان العيب منه
لأ فينا وفي ناسنا الخاينين

لولاك ياصبر وياهم
ماكنا نعيش
حكموا علينا ياصبر
والغالي أصبح في إيدهم مابيساويش
فيه ناس غيتها ياصبر
تاخد ولا تديش
أمانه عليك ياصبر تفضل معايا ولا تفوتنيش

تسلم ابو الوافا

منتظرين العدد القادم

تحياتى