علمتني (كل عام وكل أم بخير وعافيه)

علمتني

من يوم ما حملتني
وف بطنها شالتني
تلاقيها دايماً خايفه
من أي شئ يصيبني
ولما وضعتني .. علمتني
علمتني كل شئ في
الحياه ممكن يفيدني
الكلام. المشي. أكلي
حتى بسم الله قالتلي.. علمتني
واما عودي شد
وابتديت أتشاقى واجري
حببتني في القراءة والكتابة
وجهزتني للمدارس .. علمتني
والحكاوي الجميلة المفيدة
كل يوم تحكيها ليا جنب ودني
أخرج اتعامل واحاسب على الصحاب
دي الحكاوي كتير فادتني .. علمتني
أوعى تكذب أو تبص لأي واحد
إيه في إيده أو معاه
أوعى غير الصدق يطلع من شفايفك
مهما كان الأمر منتهاه .. علمتني
حببتني في الحيطان اللي في بيتنا وقالتلي
دي اللي بتداري عيوبنا
واللي بتحافظ علينا
واللي بتسبح خالقها .. علمتني
وقفت تصلي قبالي
ووراها وقفتني وحلفتني
أوعى فرض الله يفوتك أوعى يابني
دي الصلاة أول حسابنا وادعتلي .. علمتني
واما زاد عودي شويه
والرجولة جت صابتني نبهتني
إن راسي ماتنحني إلا لخالقها
ولا تفرح للجاي ولا تزعل ع اللى راح
كل شئ فاني يا إبني
ومش هيبقى إلا وجه الله .. علمتني

أزاي أردّلك الجميل
منك أخدت كتير كتير
لو هافني عمري في رضاكي أمي
نقطه في بحرك الهدير
لكني هافضل مفتكر
إن انتي كنتي الدليل
دليل حياتي ودنيتي
كتاب مالوش في الكون مثيل
إلا كتاب اللي خلق
الجنة تحت رجيلكي قليل
إدعيلي يامه وتمي عليّا
في دنيتي باقي الجميل

امى امى يا غليا علية
امى امى يا ضى عنية
كلك حب كلك حنية
انتى عندى بكل الدنيا
تسلم اخى على ماطرحت
ربنا يخلى كل الامهات الطيبة
وكل سنه وكل ام بخير والى ماله ام ربنا يعوض عليه بحب مثل حب الام
تحياتى

تسلم ابوالوفا
ولكن لي تعليق صغير
ياريت كل ثانيه يبقي عيد للام
وليس يوم بعينه
بارك الله فيكم وعليكم

أخي ياسر
ياريت كل ثانية نذكر الله
وكل ثانية نتذكر أبأئنا وأمهاتنا وماذا فعلوا معنا
وكل ثانية نتذكر الفقراء
وكل ثانية نتذكر أعداء الإسلام
وكل ثانية وكل ثانية وكل ثانية
أشكر مرورك حبيبي ياسر

ما اجمل الحب لامى
الله على موضوعك ابو الوفا الوفى
شكرا
ياامى يا اغلى الناس
يا من تحملين الحب فى العيون

امي هيه دمي

امي فداكي روحي

ابو الوفا ولا اقلام واحبار الدني

توفي وتصف الام غير اسئل الله يرفع قدرها في اعلي المنازل

تسلم يمناك ابو الوفا