بصى بقى المكونات:
فيلية ( زى مانتى عاوزة )
زيتون
فلفل رومى
بصل
جبنة شيدر
كاتشب او مايونيز او كلاهما
خس
وفينو طبعااااااااااااااااااااااا
تبلى الفيلية ببصل وملح وفلفل وزبادى طبعا على حسب كمية الفيلية اللى عندك اوك وممكن بهارات فراخ كمان
بصو بقى يا قمرات الطريقة وركزوا كويسسس
حمرى الفيلية من غير لابيض ولابقسماط زى ماحنا اتعودنا اوك
وتطلعيها وتصفيها من الزيت كويس
وترصيها فى صنية جنب بعض
لغاية كدة اوك
تحطى فوق الفيلية جبنة شيدر تغطيها تماما انا مقطعتهاش انا حطيتها زى ماهى
وبعدين تكونى انتى مقطعة البصل شرايح رفيعه والفلفل الرومى كذلك وتحطيهم على النار مع زيت لغاية ما يصفروا يدبلوا بس كدة
وتحطيهم على الشيدر
وتقطعى زيتون وتحطية عليهم
وتحطى بعد كدة كاتشب او مايونير او الاتنين على بعض انا حطيت الاتنين على بعص وكترت المايونيز لانى بحبة اوىىىىىىى
وبعديييييييييين يا ستى تحطيهم فى الفرن عاوزة اقوللك ان مافيش حاجة هاتستوى كلة مستوى الفراخ مستوية وكلة تمام انتى هاتحطية بس لغاية ماتلاقى المايونيز والجبنة ساحت وبقى شكلها يجنن
تطلعيها وتفتحى الكايزر او الفينو وتحطى طبقة كاتشب او مايونيز
فى الفينو وبعدين شريحة شيدر وخساية وطماطماية
وتحطى الفراخ اللى انتى طلعتيها من الفرن
وتدعيييييييييييييلى انتى والولاد علشان لو انتى دعوتك مش مستجابة الولاد يدعولى
هههههههههههه انا بهزر طبعا
بجد ادعولى ولو عجبكم قيمو بس والله تحفة وسهله جدااااااااااااااااااااااااااااااا وزى المحلات بالظببببببببط
تحياتى لكم وبالف هنا وشفا